Israel oo weerarro ku dhishay 10 falastiiniyiin ah

Saraakiisha caafimaadka Falastiiniyiinta ayaa sheegay in ciidamada Israel ay dileen ugu yaraan toban qof ayna dhaawaceen tobanaan kale intii lagu guda jiray duullaan ay ku qaadeen Daanta Galbeed ee la haysto. 

Bisha Cas ee Falastiin ayaa sheegtay in dhakhaatiirteedu ay daweeyeen afartan iyo shan qof oo qaba dhaawacyo rasaas ah iyo in ka badan laba boqol oo qof oo oo ay waxyeeleysay sunta dadka ka ilmaysiisa. 

Sarkaal sare oo Falastiini ah ayaa ku tilmaamay dhacdadan mid xasuuq ah. 

Weerarradii ay askarta Israa’iil ku qaadeen aagagga u dhow Nablus iyo Jenin ayaa sii xoogaystay sannadkii hore ka dib weerarro is-daba joog ah oo Israa’iil ka dhacay oo ay geysteen kooxo Falastiiniyiin ah.




Eric Omondi oo xabsiga laga sii daayay kadib markii loo xiray dibad bax ay dharka u dhigteen

Majaajiliistaha Kenyaanka ah ee Eric Omondi ayaa la sii daayay ka dib markii Talaadadii la xiray isagoo xilligaasi hogaaminayay koox qeybta sare ka qaawan oo mudaaharraad ka dhigay afaafka hore ee xarunta baarlamaanka Kenya.

Kooxda ayaa watey boorar ay ku muujinayaan sida ay uga soo horjeedaan qiimaha sare ee maciishada. 

Waxa ay dalbadeen in ay la kulmaan guddoomiyaha baarlamaanka si ay ugu sheegaan cabashadooda.

Booliska ayaa ku riday sunta dadka ka ilmeysiisa si ay u kala eryaan waxaana ay xireen 17 qof.

Arbacadii waxaa lagu eedeeyay in ay shir sharci darro ah ku qabteen meel ka baxsan baarlamaanka. 

Waxay dafireen inay wax khalad ah sameeyeen. 

Midkiiba waxaa lagu sii daayay damiin dhan 10,000 oo shilinka Kenya ah ($80; £65).


a wadaag qodobkan

La wadaag

Read more about these li